"Barselona" bosh murabbiyi Xans-Diter Flik klub rahbariyatidan himoyachi Jerar Martinni imkon qadar tezroq mavsum uchun tarkibga qo'shishini talab qildi, deb xabar beradi Marca nashri.

Ispaniya gazetasining yozishicha, nemis murabbiyi Martinning o'yinidan qoyil qolgan va u tarkibni kuchaytirish uchun kerak, deb hisoblamoqda. O'tgan mavsumda 23 yoshli Martin barcha turnirlarni hisobga olgan holda 42ta o'yinda qatnashib, bitta gol urdi va oltita golli uzatmani amalga oshirdi.

Ispaniya chempionatining 1-turida "Barselona" safarda "Malorka"ni 3:0 hisobida mag'lubiyatga uchratdi. Kataloniyaliklarning keyingi raqibi "Levante" bo'ladi.