"Barselona" futbolchisi Mark Bernal klubda qolishga tayyor. Payshanba kuni tushdan keyin 18 yoshli tayanch yarim himoyachining agentlari "ko'k-anorranglilar" sport direktori Deku bilan uchrashishdi.

Jurnalist Karlos Monfortning ma'lum qilishicha, tomonlar yangi shartnoma shartlarini kelishib olishgan. Yarim himoyachi klub bilan 2029 yilgacha mo'ljallangan shartnoma imzolaydi. Bitim tez orada rasman tasdiqlanadi.

Mark Bernal "Barselona"ning asosiy jamoasi safida uchta o'yin o'tkazdi. Yosh futbolchi o'tgan mavsum boshida Kataloniya grandining asosiy tarkibiga kirgan, biroq ko'p o'tmay og'ir jarohat olgandi. U allaqachon o'yinlarga qaytishga tayyor.