"PSJ" hujumchisi Usmon Dembele sobiq jamoadoshi Lionel Messining unga bergan maslahatini aytdi. Ikkalasi ham avval “Barselona”da o'ynashgan.

"Lionel Messi agar maqsadlarimga erishmoqchi bo'lsam, jiddiy bo'lishim kerakligini aytdi. Bu so'zlardan so'ng men uni kuzata boshladim va undan o'rgana boshladim, uning maydonda qilgan ishlarini kuzata boshladim.

Messi har doim mening sevimli futbolchim bo'lgan. U meni "Barselona"ni sevib qolishimga sabab bo'lgan", - dedi Dembele Pubity Sport bilan suhbatda.

Lionel Messi 2000 yildan 2021 yilgacha "Barselona"da yigirma yil o'ynadi. Usmon Dembele 2017 yildan 2023 yilgacha Kataloniya klubini himoya qilgan.