"Barselona" vingeri Markus Reshford ilk bor jamoasining golida bevosita ishtirok etdi. Angliyalik futbolchi "ko'k-anorranglilar"ning La Liga doirasidagi "Valensiya"ga qarshi o'yinini asosiy tarkibda boshladi va 53-daqiqada Rafinya Diasning goliga assistentlik qildi. Qayd etilishicha, "Manchester Yunayted"dan ijaraga olingan futbolchi Kataloniya grandi libosidagi dastlabki samarali harakatini amalga oshirdi.

Markus Reshford iyul oyida "Barselona"ga ko'chib o'tgandi. Bitimga sotib olish imkoniyati kiritilgan.