"Barselona" hujumchisi Robert Levandovski jamoa safida jami 150 ta o'yinda maydonga tushgan.

37 yoshli futbolchining yubiley uchrashuvi yakshanba kuni "Valensiya"ga qarshi kechdi (6:0). Polyak 68-daqiqada zaxiradan maydonga tushdi, 76 va 86-daqiqalarda esa "ko'rshapalaklar" darvozasini ishg'ol qilib, yakuniy hisobni o'rnatdi. Yulduz hujumchi "ko'k-anorranglilar" safida barcha musobaqalarda 150 ta o'yinda jami 103 ta gol urgan, shuningdek, 20 ta golli uzatmani amalga oshirgan.

Robert Levandovski "Barselona"ga 2022 yilning yozida "Bavariya"dan ko'chib o'tgandi. Hujumchining amaldagi shartnomasi joriy mavsum yakunlangach o'z nihoyasiga etadi, biroq uni yana bir yilga uzaytirish imkoniyati mavjud.