"Barselona" sport direktori Deku jamoa darvozaboni Joan Garsiyaning transferi borasida o'z fikrlari bilan o'rtoqlashdi.

24 yoshli darvozabon mavsum boshlanishi oldidan "ko'k-anorranglilar" safiga "Espanol"dan ko'chib o'tgan edi. Transfer qiymati 25 mln evroni tashkil etgan.

"Biz Joanni bir muddat kuzatib bordik. Dastlab u transfer bozorida bizning ustuvor vazifamiz bo'lmagan, ammo yakunda ter Shtegenning jarohatlar bilan bog'liq muammolari tufayli uni o'z safiga qo'shib olishga qaror qildik," - deya Dekuning so'zlarini keltiradi Mundo Deportivo.

Garsiya keliboq "Barselona"ning asosiy darvozaboniga aylandi. U Xans-Diter Flik jamoasi uchun beshta o'yinda maydonga tushib, to'rtta gol o'tkazib yubordi.