«Barselona» hujumchisi Markus Reshford jamoaning La Liganing 5-turida «Xetafe»ga qarshi o'yinida (3:0) asosiy tarkibdan joy olmadi. Sababi — o'yindan oldingi mashg'ulotlardan birida futbolchi kech qoldi. Sport.es nashrining RAC1 manbasiga tayanib xabar berishicha, shunday tarzda “ko'k-anorranglilar” bosh murabbiyi Hans-Diter Flik jamoada intizomni mustahkamlamoqda.Manba ma'lumotiga ko'ra, yo'ldagi qiyin vaziyat sabab angliyalik futbolchi mashg'ulotga uch daqiqa kech qolgan. Ammo hatto shunday kichik intizomsizlik ham murabbiy tomonidan jiddiy deb baholandi va futbolchi zaxirada qoldirildi.Reshford 46-daqiqada maydonga tushdi va Dani Olmoga golli uzatma berdi.Avvalroq «Barselona»da kech qolish uchun Jyul Kunde, Inyaki Penya va Rafinya ham jazolangan edi.