"Xetafe" bosh murabbiyi Xose Bordalas "Barselona" futbolchisi Ferran Torresning tanqidiga javob qaytardi.

Yakshanba kuni Kataloniya grandi "Xetafe"ni 3:0 hisobida mag'lub etdi. Uchrashuv yakunlangach, dubl muallifiga aylangan Torres raqiblarning o'yin uslubi haqida yomon fikr bildirib, ularni ortiqcha qo'pollikda aybladi.

"Torresning mening jamoam haqidagi gaplari? Mayli, bu keng tarqalgan fikr, lekin biz va "Barselona" o'rtasidagi farq - milliard evro. Boshqa aytadigan gapim yo'q. Bizga eng yuqori darajadagi raqib qarshilik ko'rsatdi", - dedi Bordalas.

"Xetafe" 5 turdan keyin 9 ochko bilan turnir jadvalida sakkizinchi o'rinda bormoqda. "Barsa" 13 ochko bilan ikkinchi o'rinda.