«Pari Sen-Jermen» bosh murabbiyi Luis Enrike jamoasining Chempionlar ligasi umumiy bosqich 2-turida «Barselona»ga qarshi (2:1) o'yini haqida fikr bildirdi.«Juda yaxshi o'yin bo'ldi. Ikki jamoa ham qo'pol follarsiz, futbol o'ynashga intilib, uzatmalar va kombinatsiyalar orqali raqibni “jarohatlash”ga harakat qilganda, bellashuv mazmunli chiqadi. «Barselona» golgacha yaxshiroq ko'rindi, biz esa hisobda orqada qolgandan so'ng birlashdik va Nunu Mendesh ajoyib vaziyat yaratdi. Ikkinchi bo'limda, mening fikrimcha, ustunlik biz tomonda edi», — deya Enrikening so'zlarini Marca keltirdi.