"Barselona" darvozaboni Joan Garsiya Madridning "Real" klubiga qarshi o'yinda maydonga tushishga umid qilmoqda. 24 yoshli futbolchi "Real Ovedo" bilan o'yindan keyin jarohat oldi - u keyingi ikki o'yinni o'tkazib yubordi va jamoaga keyingi bahslarda yordam bermasligi aniq. Shunga qaramay, AS'ning yangilangan hisobotida aytilishicha, Garsiya aynan "el klasiko"ga qadar to'liq tiklanish uchun "astoydil harakat qilmoqda".

"Barselona"ning "Real"ga qarshi o'yini 26 oktyabr kuni "Santyago Bernabeu"da bo'lib o'tadi. Undan oldin Xans-Diter Flik jamoasi yana uchta o'yin o'tkazadi, jumladan, 5 oktyabr kuni "Sevilya" bilan bo'lib o'tadigan eng yaqin o'yin ham.

Joan Garsiya "ko'k-anorranglilar" safida ettita uchrashuvda beshta gol o'tkazib yubordi.