Yozda "Barselona" "Manchester Yunayted"dan hujumchi Markus Reshfordni ijaraga oldi. Klublar o'rtasidagi kelishuvda futbolchini 30 million evroga sotib olish bandi ko'rsatilgan.

Ispaniyaning Sport nashri "Barselona" Reshfordni kelasi mavsumda ham saqlab qolmoqchi ekani haqida yozmoqda. Ammo shu bilan birga, kataloniyaliklar sotib olish optsiyasini faollashtirish va 30 million to'lash niyatida emas.

"Barselona"da klub Reshfordning arzonroq transfer narxi yoki ikkinchi ijarasi borasida kelisha olishiga ishonch bor. "Ko'k-anorranglilar" "Manchester Yunayted"ning muzokaralardagi pozitsiyasi u qadar kuchli bo'lmaydi, deb hisoblamoqda.

Yakshanba kuni Markus Reshford "Sevilya" darvozasini ishg'ol qildi, ammo "Barselona" 1:4 hisobida mag'lub bo'ldi.