Huquqlari "Manchester Yunayted"ga tegishli bo'lgan "Barselona" hujumchisi Markus Reshford ingliz jamoasiga qaytish niyatida emas, deya xabar bermoqda TeamTalk.

Manbaga ko'ra, 27 yoshli futbolchi faoliyatini "Barselona"da davom ettirishni rejalashtirmoqda. Ispan klubi to'laqonli shartnoma imzolashga tayyor. Transfer 2026 yilning yozida, ijara shartnomasi tugagach, rasmiylashtirilishi mumkin.

Insayder Fabritsio Romano ham Reshford kataloniyaliklar safida o'ynashni xohlagani haqida xabar tarqatdi.

Angliyalik futbolchi 2025 yilning iyulida "Barselona"ga o'tgandi. 2025/26 yilgi mavsumda u barcha musobaqalarda 10 ta o'yinda 3 ta gol urdi va 5 ta golli uzatmani amalga oshirdi.