"Kristal Pelas" markaziy himoyachisi Mark Gexi "Real"ning short-listidan joy olgan. Bu haqda jurnalist Florian Plettenberg xabar bermoqda.

Manbaga ko'ra, "qaymoqranglilar" kelasi yozda "burgutlar" bilan shartnomasi yakunlanadigan 25 yoshli futbolchiga qiziqish bildirmoqda. Biroq, "Real"ga Gexi bilan shartnoma imzolash oson bo'lmaydi, chunki klub "Liverpul", "Bavariya" va "Barselona" bilan raqobatda g'alaba qozonishiga to'g'ri keladi.

Joriy mavsumda Gexi barcha musobaqalarni inobatga olgan holda 12 ta o'yinda maydonga tushib, bitta gol va bitta assistni o'z hisobiga yozdirib qo'ydi.