«Barselona» klubi prezidenti Joan Laporta jamoaning sobiq forvardi Lionel Messi bilan bo'lgan munosabatlari haqida gapirdi.«Biz uzoq vaqt juda yaxshi munosabatda bo'lganmiz. Ammo u bilan shartnomani uzaytirmaganimizdan keyin munosabatlarimiz biroz sovidi. Keyinchalik ularni ma'lum darajada tikladik. Endi esa u haqiqatan ham munosib bo'lgan katta tadbir — sharaflash marosimini uyushtirishni xohlayapmiz», — dedi Laporta "Mundo Deportivo" nashriga bergan intervyusida.Eslatib o'tamiz, Messi «Barselona»ni 2021 yili tark etib, «PSJ» bilan shartnoma imzolagandi. Kataloniya klubi safida u 778 ta o'yinda maydonga tushib, 672 ta gol urgan va 303 ta golli uzatma amalga oshirgan. 2023 yilda esa argentinalik futbolchi «Inter Mayami» klubiga o'tgan.