"Barselona" prezidenti Joan Laporta o'z faoliyati haqida gapirdi. 63 yoshli ispaniyalik 2021 yilning martidan buyon Kataloniya grandi prezidenti lavozimida ishlab kelmoqda.

"Menga "Barsa" prezidenti bo'lish yoqadi, garchi bu vazifani ko'pchilik uddalashi mumkin bo'lsa ham. Men har doim klub og'ir kunlarni boshdan kechirayotganda unga yordam berish istagini his qilganman. Yana muxlislarni xursand holda ko'rsam, ruhlanaman. "Barselona"ni boshqarish uchun uni telbalarcha sevish va uning manfaatlarini o'z manfaatlaridan ustun qo'yish kerak. Asosiysi - hokimiyat emas, balki mas'uliyat, halollik va samimiylik," - dedi Laporta.

18 oktyabr kuni "ko'k-anorranglilar"ning navbatdagi o'yini bo'lib o'tadi - raqib "Jirona."