Kataloniyaning "Barselona" klubida asosiy futbolchilar sekin-asta jarohatidan tiklanmoqda.

MD nashri xabariga ko'ra, jamoaning bugungi umumiy guruh mashg'ulotlariga Lamin Yamal va Fermin Lopes qo'shilgan. Rafinya alohida ishlagan. Braziliyalik vinger ham yaqin kunlarda jamoa bilan ishlashni boshlaydi.

Ispaniya terma jamoasida jarohat olgan hujumchi Ferran Torres eng yomon holatda faqatgina "Jirona"ga qarshi o'yinni o'tkazib yuboradi.

Eslatib o'tamiz, "Barselona" - "Jirona" uchrashuvi 18 oktyabr kuni bo'lib o'tadi.