"Barselona" yarim himoyachisi Gaviga "PSJ" bosh murabbiyi Luis Enrike qiziqish bildirmoqda. Bu haqda E-Notícies xabar bermoqda.

Manbaga ishonadigan bo'lsak, Enrike 21 yoshli ispaniyalik xavbekning yana bir uzoq muddatli jarohatiga qaramay, uning transferini talab qilmoqda. Eslatib o'tamiz, avvalroq Gavi tizzasidan yangi jarrohlik amaliyotini o'tkazgan va bu uni bir necha oyga safdan chiqargandi.

Yangi mavsumda Gavi Ispaniya chempionatida faqat ikkita o'yinda maydonga tushishga muvaffaq bo'ldi. Yarim himoyachining hisobida bitta samarali uzatma bor.

Transfermarkt portali ma'lumotlariga ko'ra, Gavining narxi 40 million evroga teng.