"Barselona" yarim himoyachisi Dani Olmoning "Real"ga qarshi o'yinda ishtirok etishi ehtimoldan xoli emas. Bu haqda jurnalist David Bernabeu Reverter xabar bermoqda.

Avvalroq, xavbek chap oyog'ining boldir mushagi yorilib ketgani sababli "klasiko"da kataloniyaliklarga yordam bera olmasligi haqida xabarlar tarqalgan edi.

Manbaga ko'ra, Olmo "Jirona" va "Olimpiakos"ga qarshi o'yinlarni o'tkazib yuboradi, ammo Madridning "Real" klubiga qarshi o'ynashga tayyor bo'lishi mumkin.

Joriy mavsumda 27 yoshli Olmo barcha musobaqalarda o'nta o'yinda maydonga tushib, bitta gol va ikkita golli uzatmaga mualliflik qildi.