Ispaniya terma jamoasi bosh murabbiyi Luis de la Fuente Lamin Yamalning jarohati bilan bog'liq holda «Barselona» bilan yuzaga kelgan kelishmovchilik haqida fikr bildirdi.Eslatib o'tamiz, sentyabr oyida kataloniyaliklar bosh murabbiyi Hans-Diter Flik Yamal terma jamoa safida og'riq bilan o'ynagani va natijada jarohat olganini aytgandi:«Futbolchilar haqida ko'proq g'amxo'rlik qilish kerak», — degandi Flik.De la Fuente bu borada shunday dedi:«Men buni tushunmadim, chunki u [Flik] ham terma jamoa murabbiyi bo'lgan. Oxir-oqibat, har bir insonni uning qilgan ishlari orqali baholashadi. Men ba'zan klublarning pozitsiyasini ham tushunmayman, garchi ularning o'yinchilarni terma jamoaga jo'natishga tayyorligini qadrlasam ham.Barcha futbolchilar terma jamoa sharafini himoya qilishni xohlashadi. Klublar ham buni xohlashadi, chunki bu har bir klub aktivlarining qiymatini oshiradi», — dedi Ispaniya terma jamoasi bosh murabbiyi.