"Barselona" klubi vinger Rafinya Diasning Madridning "Real" klubiga qarshi bo'lajak o'yinda ishtirok etishiga umid qilmoqda.

Braziliyalik futbolchi sonidan olgan jarohatidan so'ng safga qaytdi va formasini tiklashda davom etmoqda. Kataloniya klubi 28 yoshli futbolchi yakshanba kuni bo'lib o'tadigan "klasiko"ga qadar optimal darajaga chiqishi uchun barcha ishni qilmoqda. Jurnalist Karlos Monforning ma'lum qilishicha, Rafinya shanba kuni "ko'k-anorranglilar"ning so'nggi o'yinoldi mashg'ulotida ishtirok etadi va uning tarkibga kiritilishi bo'yicha yakuniy qaror Madridga uchish oldidan qabul qilinadi.

Rafinya joriy mavsum Xans-Diter Flik jamoasi safida ettita o'yinda uchta gol va ikkita golli uzatmani amalga oshirdi.