"Barselona" hujumchisi Robert Levandovski jarohatidan tiklanishda davom etmoqda.

37 yoshli futbolchi "ko'k-anorranglilar"ning so'nggi ikki o'yinida sonidan olgan jarohati sabab maydonga tusha olmadi. Barca Universal nashrining Polsha OAVlariga tayanib xabar berishicha, hujumchi 2 noyabr kuni bo'lib o'tadigan "Elche"ga qarshi bahsga qaytishni rejalashtirmoqda. Yulduz faxriy "Real"ga qarshi bo'lajak o'yinni (26 oktyabr) o'tkazib yuboradi, ammo tezroq formaga kirish uchun qo'lidan kelganini qilmoqda.

Robert Levandovski joriy mavsum Xans-Diter Flik jamoasi safida barcha musobaqalarda to'qqizta o'yinda maydonga tushib, to'rtta gol urdi.