Madridning "Real" klubi yarim himoyachisi Arda Gyuler shanba kuni bo'lib o'tgan "el-klasiko"da "Barselona" ustidan qozonilgan g'alaba (2:1) haqida fikr bildirdi.

Xabi Alonso jamoasi o'z uyida Kilian Mbappe va Jud Bellingemning gollari evaziga ustun keldi. Mehmonlarning yagona goliga Fermin Lopes mualliflik qildi.

"Eng buyuklar. Hala Madrid", - deb yozdi Gyuler o'yin yakunlanganidan so'ng ijtimoiy tarmoqdagi sahifasida.

"Real" Ispaniya chempionati turnir jadvalida 27 ochko bilan peshqadamlikni mustahkamladi. "Barselona" ikkinchi o'rinda qolmoqda, ammo "qaymoqranglilar" bilan oradagi farq besh ochkoni tashkil etmoqda.