"Barselona" kelasi mavsumda Robert Levandovskiga o'rinbosar qidirmoqda. "Ko'k-anorranglilar" ro'yxatidagi asosiy nomzodlar sifatida so'nggi vaqtlarda Madridning "Atletiko" klubidan Xulian Alvares va "Yuventus"dan Dushan Vlaxovich tilga olinmoqda.

E-Notícies xabariga ko'ra, Kataloniya klubi argentinalikdan voz kechib, e'tiborni serbiyalik futbolchiga qaratishga qaror qilgan. Hamma gap narxda: Alvaresning transferi kamida 100 mln evroga tushadi, Vlahovich esa katta ehtimol bilan erkin agent sifatida qo'lga kiritiladi.

Robert Levandovskining shartnomasi kelasi yozda tugaydi. Joriy mavsumda 37 yoshli polshalik jarohatlar tufayli tez-tez safdan chiqmoqda.