"Palmeyras" hujumchisi Vitor Roke tez orada Evropaga qaytishi mumkin. Braziliyalik yosh futbolchi "Barselona"dagi muvaffaqiyatsiz faoliyatidan so'ng o'z vatanida faoliyatini muvaffaqiyatli boshladi.

Jurnalist Ekrem Konurning yozishicha, 20 yoshli forvardning muvaffaqiyatlarini Londonning "Chelsi" va "Tottenxem" klublari kuzatib bormoqda. Shuningdek, "Napoli," "Roma" va "Betis" ham ushbu futbolchiga da'vogarlar qatorida tilga olinmoqda. Ma'lumot uchun, ushbu futbolchi so'nggi jamoada ijara asosida to'p tepgan edi.

Vitor Roke barcha musobaqalarda "Palmeyras" safida 48 ta o'yinda 17 ta gol urdi va to'rtta golli uzatmani amalga oshirdi.