«Barselona» futbolchisi Markus Reshford «Elche»ga qarshi La Liganing 3:1 hisobidagi g'alabasidan so'ng o'z fikrlarini bildirdi. Angliyalik vinger bir gol urdi va uchrashuvning eng yaxshi o'yinchisi deb topildi.

«Juda muhim g'alaba. Mag'lubiyatlardan keyin g'olib chiqish doimo ahamiyatli. Agar o'yinni umumiy olganda baholasak, men xursandman. Futbolda ishonch juda muhim, uni faqat bir yo'l bilan — g'alabalar orqali qo'lga kiritish mumkin. Bizda ko'p jarohatlar bor, ammo bu futbol — har safar maydonga bir xil 11 nafar o'yinchi chiqolmaydi.

Agar to'g'ri yo'lda harakat qilsam, gollar va samarali uzatmalar bilan muammo bo'lmaydi. Hozir men jamoadoshlarim bilan o'zaro tushunishdan juda mamnunman», — deya Reshfordning so'zlarini keltirgan Barca Universal nashri.

Eslatib o'tamiz, 28 yoshli angliyalik hujumchi «Barselona»ga «Manchester Yunayted» klubidan ijara asosida kelgan.