Yozgi transfer oynasida "Manchester Yunayted"dan "Barselona"ga o'tgan hujumchi Markus Reshford ispan grandi o'yin uslubiga to'liq moslashishda qiynalayotgan bo'lsa-da o'z sermahsul harakatlari bilan jamoa natijalariga hissa qo'shmoqda.

Sport nashr xabariga ko'ra, Flik va uning murabbiylar shtabi 28 yoshli inglizning eng katta kamchiligi himoyaviy o'yinlardagi zaiflik va yuqori pressingda e'tiborni yo'qotishi ekanligini biladi.

Ular bu jihat ustida ko'p ishlashmoqda va sekin-asta inglizda bu borada yaxshilanishlar ko'zga tashlanmoqda.

Markus bu mavsumda kataloniyaliklar safida jami 16 ta o'yinda 6 ta gol urib, 9 ta golli uzatma berdi.