"Liverpul"ning mashhur sobiq futbolchisi Jeymi Karrager "Chelsi"ning 18 yoshli vingeri Estevao Villianning o'yinidan hayratga tushdi.

Yosh braziliyalik futbolchi Chempionlar ligasi doirasida "Barselona"ga qarshi kechgan va "ko'klar"ning 3:0 hisobidagi g'alabasi bilan yakunlangan o'yin qahramonlaridan biriga aylandi. Vunderkind bitta gol urdi.

"Menimcha, biz haqiqiy superyulduzni ko'ryapmiz. Bugun Estevao hammani ortda qoldirdi," - dedi Karrager CBS studiyasida uchrashuv yakunlangach.

Estevaoning hisobida Chempionlar Ligasining beshta o'yinida kiritilgan uchta gol bor.