UEFA maxsus komissiyasi "Alaves"ga qarshi o'yinda "Barselona"ning uy stadionini to'liq tekshiruvdan o'tkazdi. Bu haqda Mundo Deportivo nashri xabar bermoqda.

Manbaga ko'ra, UEFA vakillari "Kamp Nou"ning barcha tizimlaridan to'liq qoniqish hosil qilishgan, shu sababli klubga Chempionlar ligasi doirasida raqiblarni o'z uyida qabul qilishga ruxsat berishgan. Turnirning navbatdagi o'yini 9 dekabr kuni bo'lib o'tadi - shu kuni "Barselona" Germaniyaning "Ayntraxt" klubini qabul qiladi.

Aytish kerakki, "Kamp Nou"ga qaytgan kataloniyaliklar Ispaniya La Ligasi doirasida o'z maydonlarida 2ta o'yin o'tkazib, "Atletik" (4:0) va "Alaves"ni (3:1) mag'lub etishdi.