"Manchester Siti" vingeri Savio "Barselona" e'tiborini tortdi.

Kataloniya grandi sport direktori Deku "shaharliklar"ning 21 yoshli futbolchisi siymosida Rafinya Diasning o'rinbosarini ko'rmoqda, deb xabar beradi Transfer News Live Fichajes nashriga tayanib. "Ko'k-anorranglilar"ning amaldagi etakchisiga Saudiya Arabistonida talab bor - "Barsa"ning moliyaviy qiyinchiliklarini inobatga olgan holda, foydali taklif qabul qilinishi ehtimoli yo'q emas.

Savino har doim ham Xosep Gvardiola jamoasining asosiy tarkibiga kira olmaydi, shuning uchun mish-mishlar yosh futbolchining tez orada ketishi bilan bog'liq. Transfermarkt portalida braziliyalik yosh futbolchining narxi - 50 mln evro.