"Barselona" prezidenti Joan Laporta yulduz futbolchilarni o'z safiga qo'shib olish borasida o'z fikrlari bilan o'rtoqlashdi.

"Jahon yulduzi transferi? Ha, faqat o'yinchi haqiqatan ham bizga kerak bo'lsa. Tarkibda yulduzlarning haddan tashqari ko'pligi muvaffaqiyatga olib kelmaydi - buni boshqalarning misolida yaqqol ko'rishimiz mumkin. Ha, hammamiz bir klub haqida o'yladik", - deya Laporta yuzida kulgi bilan javob qaytardi.

"Barselona" La Liga turnir jadvalida 15 turdan so'ng peshqadamlik qilmoqda. "Real"dan ustunlik bir ochkoni tashkil qilmoqda.