"Barselona" hujumchisi Robert Levandovski kelasi yilning yozida klubni tark etishni istamayapti.

Polshalik futbolchining amaldagi shartnomasi joriy mavsum yakunlangach o'z nihoyasiga etadi. Jurnalist Xose Alvaresning ma'lum qilishicha, 37 yoshli futbolchi "ko'k-anorranglilar" safida o'ynashga qaror qilgan. Yulduzli faxriy qolishga qat'iy qaror qilgan va maoshini qisqartirishga tayyor.

Robert Levandovski joriy mavsum Xans-Diter Flik jamoasi safida barcha musobaqalarda 17 ta o'yinda maydonga tushib, 8 ta gol va 2 ta golli uzatmaga mualliflik qildi. 2026 yilning avgustida "Bavariya" va Dortmundning "Borussiya" klubi sobiq forvardi 38 yoshga to'ladi.