"Atletiko"ning argentinalik hujumchisi Xulian Alvares "Barselona"ning qiziqishi haqida gapirdi.

"Men bundan tashvishlanmayman, bunga e'tibor bermaslikka harakat qilaman. Lekin men haqimda nimalar deyishayotganini bilaman. Bu barcha ijtimoiy tarmoqlarda. Bor e'tiborimni joriy mavsumga qaratganman", - deya Alvaresning so'zlarini keltiradi Marca.

Joriy mavsumda 25 yoshli Alvares barcha musobaqalarda 21ta o'yinda maydonga tushib, 11 marta raqiblar darvozasini ishg'ol qildi va 4ta assistni o'z hisobiga yozdirib qo'ydi.

Alvaresning "matraschilar" bilan mehnat shartnomasi 2030 yilning yarmigacha mo'ljallangan. Manbaga ko'ra, hujumchining narxi 100 million evroni tashkil qiladi.