"Barselona" prezidentligiga nomzod Mark Siria "ko'k-anorranglilar" afsonasi Lionel Messini Kataloniya klubiga qaytarish niyatida ekanini ma'lum qildi.

Argentinalik nomdor futbolchi 2021 yilda "Barselona"ni tark etgan va hozirda "Inter Mayami" sharafini himoya qilmoqda. Yaqinda Messi Barselonaga yangilangan "Kamp Nou" stadionining ochilishiga uchib keldi va bir kun kelib "nafaqat futbolchi sifatida xayrlashish uchun" stadionga qaytishga umid bildirdi.

"Biz klubimizning eng buyuk afsonasi uyga qaytib, tun pardasi ostida yashirinishini istamaymiz. Biz Messini "Barselona"ga qaytarish uchun qo'limizdan kelganini qilamiz", - deya Sirianing so'zlarini keltiradi El Nacional.