"Barselona" "Norvich Siti"ning 15 yoshli hujumchisi Ajay Tavaresni o'z safiga qo'shib olmoqchi. Bu haqda Goal.com nashri xabar bermoqda.

Manbaga ko'ra, yosh futbolchini Evropaning bir necha klublari, jumladan, "RB Leyptsig" va Dortmundning "Borussiya" klublari kuzatib borgan. Shu bilan birga, "Barselona" eng qulay shartlarni taklif qildi va transferni tez orada yakunlashni kutmoqda.

Tavares "Norvich Siti" U-18 jamoasida chap qanot hujumchisi sifatida o'ynaydi. U klubning asosiy tarkibida rasmiy o'yinlarda maydonga tushmagan, ammo iyul oyida Gollandiyaning "Volendam" klubiga qarshi mavsumoldi o'yinida maydonga tushgan. U 17 yoshgacha bo'lgan Angliya terma jamoasi safida to'rtta o'yin o'tkazib, gol ura olmadi.