"Barselona" bosh murabbiyi Xans-Diter Flik La Liga doirasidagi yakshanba kungi o'yinda "Vilyarreal" futbolchisining maydondan chetlatilishi haqidagi savolga javob berdi.

39-daqiqada "sariq suv osti kemasi" himoyachisi Renatu Veyga Lamin Yamalaga nisbatan qo'pollik ishlatgani uchun to'g'ridan-to'g'ri qizil kartochka bilan jazolandi.

"Shubhasiz, qizil kartochka. Laminga qarshi raqiblar juda qo'pol o'ynashyapti - u buga chidashi kerak. Urilgan gol - eng yaxshi javob," - dedi Flik.

Uchrashuv Kataloniya grandining 2:0 hisobidagi g'alabasi bilan yakunlandi. O'yindagi yakuniy hisobni 63-daqiqada darvozani ishg'ol qilgan Yamal o'rnatdi.