"Barselona" qishki transferlar vaqtida markaziy himoyachi bilan shartnoma imzolashni rejalashtirgan.

"Ko'k-anorranglilar" rahbariyati himoya markazini arzon futbolchi bilan kuchaytirmoqchi, deya xabar bermoqda Mundo Deportivo. Yozda yo'qotilgan Inigo Martines o'rnini bosa oladigan etakchilik qobiliyatiga ega bo'lgan tajribali futbolchilarga ustuvorlik beriladi. Nomzodlar orasida "Benfika"dan 37 yoshli Nikolas Otamendi, Milanning "Inter" klubidan 33 yoshli Stefan de Vrey va "Bornmut"dan 28 yoshli Markos Senesi bor.

Otamendining Transfermarkt saytidagi narxi - 1 mln evro, de Vrey va Senesi xuddi shu portal tomonidan mos ravishda 3,5 va 22 mln evroga baholanmoqda.