Angliyalik hujumchi Markus Reshford Kataloniyaning "Barselona" klubida qolishi mumkin. Bu haqda ijtimoiy tarmoqlar orqali insayder Matteo Moretto ma'lum qildi.

Jurnalistga ma'lum bo'lishicha, "ko'k-anorranglilar" ustozi Xans-Diter Flikning shaxsan o'zi futbolchini saqlab qolishni talab qilmoqda. Reshford kataloniyaliklar safida ijara asosida to'p tepmoqda. Hujumchining to'liq shartnomasi "Manchester Yunayted"ga tegishli.

Ispaniya chempionatining joriy mavsumida 28 yoshli forvard 17 ta o'yin o'tkazdi. Markus ikkita gol va oltita assistni o'z hisobiga yozdirib qo'ydi.