Ispaniya texnik hakamlar qo'mitasi (CTA) joriy mavsumning ortda qolgan o'yinlarida VAR tizimining ishlashini ko'rib chiqdi. Bu haqda Marca xabar berdi.

CTA vakillari hakamlar faoliyati shaffofligini oshirish va ularni o'qitish maqsadida joriy mavsumda ilk bor yo'lga qo'yilgan "Review Time" dasturi doirasida 51 ta bahsli vaziyatni ko'rib chiqdi va ularni chuqur tahlil qildi.

Natijada, aksariyat holatlar to'g'ri baholangani, xatolar soni esa 10 taga teng ekanligi aniqlandi. Qayd etilishicha, ulardan eng ko'p "Real" va "Rayo Valekano" klublari jabr ko'rgan bo'lsa, "Barselona" va "Atletiko" VAR qarorlaridan noo'rin foyda ko'rgan.