Vinger Markus Reshford joriy mavsumni "Manchester Yunayted"dan ijara asosida "Barselona"da o'tkazmoqda. Bitimda 30 mln evro evaziga sotib olish imkoniyati ko'rsatilgan bo'lib, "ko'k-anorranglilar" uni o'z xohishiga ko'ra uni faollashtirishi mumkin.

Insayder Fabritsio Romanoning yozishicha, klub allaqachon angliyalik futbolchining vakillariga mavsum yakunlangach hamkorlikni davom ettirish niyatida ekanini ma'lum qilgan. Tez orada "qizil iblislar" bilan muzokaralar boshlanadi.

Markus Reshford Xans-Diter Flik jamoasi safida barcha musobaqalarda 26 ta o'yinda maydonga tushib, ettita gol urgan va 11 ta golli uzatmani amalga oshirgan. 28 yoshli futbolchining "Manchester Yunayted" bilan shartnomasi 2028 yilgacha mo'ljallangan.