«Barselona» bosh murabbiyi Xans-Diter Flik Ispaniya Superkubogi finalida «Real»ga qarshi bo'ladigan o'yin arafasida o'z fikrlari bilan o'rtoqlashdi.«Bu — “el-klasiko”, va men “Atletik”ka qarshi o'yinda ko'rganimni yana ko'rishni istayman. Ya'ni jamoa sifatida, bir butun bo'lib o'ynashni. Aynan shuni ko'rishni xohlayman. Futbolchilar maydonda o'zlarining eng yuqori darajasini ko'rsatishsin. Men uchun eng muhimi shu.Final — bu final, “Real”ga qarshi o'yin esa butunlay boshqacha. Men favoritlar haqidagi gap-so'zlarni eshitishni istamayman. Biz ajoyib futbol ko'rsatishni va ajoyib o'yin o'tkazishni xohlaymiz. Biz o'yinga to'liq e'tibor qaratganmiz va futbolchilarimga ishonaman. G'alaba qozonish uchun eng yaxshi versiyamizni ko'rsatishga harakat qilamiz.“Real” — fantastik jamoa, dunyodagi eng kuchlilaridan biri. Ularda jahon darajasidagi, juda yuqori saviyali futbolchilar bor. Lekin men o'z jamoamga e'tibor qaratyapman, chunki biz bu sovrinni yutishni istaymiz… Eng muhimi — jamoa, kim va qaysi pozitsiyada o'ynayotgani emas», — deya Flikning so'zlarini Kataloniya klubi matbuot xizmati keltiradi.Eslatib o'tamiz, musobaqa yarim finalida «Real» madridlik «Atletiko»ni 2:1 hisobida mag'lub etgan bo'lsa, «Barselona» «Atletik»ni 5:0 hisobida enggan.Ayni paytda Ispaniya Superkubogi amaldagi sohibi ham «Barselona» hisoblanadi. 2025 yil finalida katalonliklar «Real»ni 5:2 hisobida mag'lub etgan edi.