«Barselona» rahbari Joan Laporta La Liga doirasida yaqinda bo'lib o'tgan «Real Madrid» va «Rayo Valekano» o'rtasidagi o'yin haqida gapirdi. O'sha bahsda «qaymoqranglilar» Kilian Mbappening 100-daqiqada penaltidan urgan goli evaziga g'alabani ilib ketishgan edi (2:1).

«Men «Real»ning «Rayo»ga qarshi o'yinini ko'rdim va o'yinga qo'shib berilgan o'n daqiqa qaerdan kelganini tushunmadim. Futbolchilar borgan sari ko'proq simulyatsiya ishlatishmoqda — buning uchun ularni sariq kartochka bilan jazolash kerak. Shuningdek, penaltilar juda osonlik bilan belgilanmoqda deb hisoblayman. Ular o'zlariga qarshi qoidabuzarliklarni tahlil qiladigan va hakamlar tomonidan ko'rilgan zararlar haqida bayonot beradigan maxsus telekanali bor klubga yordam berishmoqda», — deya Laportaning so'zlarini keltirmoqda Marca.

Seshanba kuni «Barselona» Ispaniya Kubogi chorak finalida «Albasete»ni mag'lub etdi (2:1). Aynan ushbu jamoa avvalgi bosqichda «Real»ni musobaqadan chiqarib yuborgan edi.