"Barselona" bosh murabbiyi Xans-Diter Flik joriy mavsumning borishi haqida o'z fikrini bildirdi. Seshanba kuni "ko'k-anorranglilar" Ispaniya Kubogi chorak finalida "Albasete"ni mag'lub etib (2:1), navbatdagi sovrin sari muhim qadam tashladi. Nemis mutaxassisi kelganidan beri Kataloniya grandi ichki maydondagi barcha sovrinlarni qo'lga kiritib kelmoqda.

"Ispaniya Kubogi yarim finali, Chempionlar Ligasi umumiy bosqichida kuchli sakkizlikdan joy olish va La Ligada birinchi o'rin. Hozir aytishim mumkinki, biz oldimizga qo'yilgan barcha maqsadlarga erishyapmiz", — dedi Flik o'yindan keyingi suhbatda.

Eslatib o'tamiz, yanvar oyida "Barselona" Ispaniya Superkubogi finalida Madridning "Real" klubini mag'lub etib, turnir g'olibiga aylangan edi.