"Barselona" ustozi Xans-Diter Flik yarim himoyachi Fermin Lopes haqida fikr bildirdi. 22 yoshli futbolchi "ko'k-anorranglilar" bilan shartnomasini 2031 yilning o'rtalariga qadar uzaytirdi.

— Lopes shartnomasini uzaytirganidan mamnunmisiz?

— "Barselona" akademiyasi fantastik ishni amalga oshirmoqda. Barchamiz akademiya tarbiyalanuvchilariga ishonamiz. Ularda ajoyib baza bor. Ferminning shartnomasini uzaytirish — barcha uchun eng yaxshi qaror. U katta iste'dod va yuqori darajadagi futbolchi, — dedi Flik matbuot anjumanida.

Fermin Lopes "Barselona"ning asosiy jamoasi safida 116 ta o'yin o'tkazib, ularda 29 ta gol urdi va sheriklariga 22 ta golli uzatmani amalga oshirdi.