"Barselona" prezidentligiga nomzod Viktor Font hakamlar "Real"ga yon bosishini ta'kidladi.

"Cadena SER" efirida Fontdan agar u saylovda g'alaba qozonsa, "Barsa" va "Real" o'rtasidagi keskin munosabatlar saqlanib qoladimi-yo'qmi, deb so'rashdi.

"Real Madrid TV" hakamlar qarorlariga ta'sir o'tkazishda davom etar ekan, hammasi avvalgidek qolaveradi. Hakamlar doimo "Real"ga xayrixoh bo'lishgan. Ha, "Real Madrid TV" paydo bo'lishidan oldin ham shunday edi. Bolaligimdan beri "Real" foydasiga chiqarilgan hakamlik qarorlaridan aziyat chekaman.

Bular — fakt: "Madrid" foydasiga 23 ta o'yinda 16 ta penalti belgilandi. Populistik ritorika va "Barselona" muxlislarini aldashga qaratilgan gaplardan ma'no yo'q", — dedi Font.