Kataloniyaning «Barselona» klubi vunderkindi Lamin Yamal futboldan tashqarida, kundan-kunga o'sib borayotgan mashhurligiga qaramay, oddiy hayot kechirishga harakat qilayotganini ta'kidlamoqda.

«Men istalgan 18 yoshli yigit qiladigan ishlarni qilaman. Do'stlarim bilan aylanaman, ukamga g'amxo'rlik qilaman, videoo'yinlar o'ynayman — shunga o'xshash narsalar. Men faqat futbol haqida o'ylamaslikka harakat qilaman, hayotni boshqa jihatlardan ham his qilishni istayman», — deya Yamalning so'zlarini «derbyderbyderby.it» nashri keltiradi.

Eslatib o'tamiz, Lamin Yamal «Barselona» safidagi ilk o'yinini 2023 yilning aprelida o'tkazgan edi. 2024 yilning yozida esa u Ispaniya terma jamoasi tarkibida Evropa chempioniga aylandi.