Argentina terma jamoasi va Londonning "Tottenxem" klubi markaziy himoyachisi Kristian Romero Ispaniya grandiga ko'chib o'tishi mumkin, deb xabar bermoqda Mundo Deportivo jurnalistlari.

Manbaga ko'ra, futbolchining xizmatlariga Madridning "Real" klubi qiziqish bildirmoqda. "Qaymoqranglilar" yozgi transferlar davrida futbolchini o'z safiga qo'shib olishga urinib ko'rishi mumkin. Shuningdek, Romeroga Kataloniyaning "Barselona" va Madridning "Atletiko" klublari ham qiziqish bildirmoqda.

27 yoshli himoyachi 2022 yilning avgustidan beri londonliklar sharafini himoya qilmoqda. Uning mehnat shartnomasi 2029 yilning yarmigacha mo'ljallangan. Romeroning bozor narxi 60 million evroga baholanmoqda.