"Barselona" sport direktori Deku jamoa himoyachisi Jerar Martin haqida fikr bildirdi.

"Jerar Martinning "Barselona"ga kelganidan keyingi taraqqiyoti hayratlanarli bo'ldi. Jerar ham qanot himoyachisi, ham markaziy himoyachi sifatida o'ynagan. U har doim g'alaba uchun kurashdi, jamoaga yordam berdi va bizga kerak bo'lgan jamoaviy ruhni namoyish etdi", - deya Dekuning so'zlarini keltiradi Barca Universal.

Joriy mavsumda 23 yoshli Martin barcha musobaqalarni inobatga olgan holda 32 ta o'yinda maydonga tushdi.

Ispaniyalikning "Barselona" bilan shartnomasi 2028 yilgacha mo'ljallangan. Transfermarkt portali mutaxassislari futbolchining narxini 20 million evroga baholamoqda.