Ispaniyaning "Sport" nashri yarim himoyachi Gavining "Barselona"ni tark etishiga bir baxya qolgani haqida maqola e'lon qildi. Voqea 2023 yilda, kataloniyaliklar yarim himoyani kuchaytirishni istagan, ammo yangi futbolchilar sotib olishga mablag'lari bo'lmagan vaqtda yuz bergan. O'shanda "ko'k-anorranglilar" Fabian Ruisni o'z safiga qo'shib olmoqchi bo'lishgan, Gavi esa ushbu kelishuvning bir qismiga aylanishi mumkin edi.

Rejaga ko'ra, Fabian Ruis va Marko Verratti "Barselona"ga o'tishi, Gavi esa "PSJ"ga yo'l olishi kerak edi. "Ko'k-anorranglilar"ning yangi sport direktori Dekuning aralashuvi ushbu kelishuvda hal qiluvchi omil bo'ldi — u transferni bloklab qo'ygan.

Gavining o'zi "Barselona"dan ketishni istamagan, biroq agar klub transferni kelishib olganida, yosh futbolchida boshqa chora qolmasligi mumkin edi.