"Barselona" yarim himoyachisi Pedri jarohatidan so'ng ilk bor asosiy tarkibda maydonga tushishga tayyorlanmoqda.

"Ko'k-anorranglilar" bosh murabbiyi Xans-Diter Flik 23 yoshli futbolchini shanba kuni La Liga doirasida "Vilyarreal"ga qarshi kechadigan bahsda dastlabki daqiqalardan maydonga tushirishni rejalashtirmoqda, deb xabar beradi "Diario Sport". Ispaniyalik yulduz uchun bu bir oydan ko'proq vaqt ichida — 21 yanvardan beri ilk bor asosiy tarkibda ko'rinish berishi bo'ladi.

Eslatib o'tamiz, Pedri mushaklaridagi muammolar sababli "Barselona"ning ettita uchrashuvini o'tkazib yubordi. Yulduz xavbekning maydonga qaytishi yaqindagina "Levante"ga qarshi kechgan bahsda yuz berdi — o'shanda u 66-daqiqada zaxiradan o'yinga qo'shilgan edi.

"Barselona" — "Vilyarreal" uchrashuvi Toshkent vaqti bilan 20:15 da boshlanadi.