«Barselona» Ispaniya chempionati doirasidagi «Rayo Valekano»ga qarshi uy uchrashuviga tayyorgarlik ko'rmoqda. The Touchline nashrining El Desmarquega tayanib xabar berishicha, «ko'k-anorranglilar» mashg'ulotida qiziqarli voqea yuz bergan. Vinger Lamin Yamal Xans-Diter Flikka yuzlanib, uni Robert Levandovskiga qarashga chorlagan. Shu bilan birga, Yamal polshalik hujumchini «bobo» deb atagan.

«Murabbiy, murabbiy! Bobo! Bobo!» — degan Yamal Flikka Levandovskini ko'rsatib.

Hozirda Lamin Yamal 18 yoshda, Robert Levandovski esa 37 yoshda. Levandovski Polsha terma jamoasida debyut qilganida, Yamal bor-yo'g'i 1 yoshu 2 oylik bo'lgan.